બધાની પસંદ હોય!

બધાની પસંદ હોય!
જરૂરી નથી કે તે સમ હોય
વિષમ પસંદ જો તમોને ડંશ દે,
ત્યાં વળી સંપને ખોય?

પુછતા નહી કોણ? અને શાને?
આ હું કોણ ને તેની પસંદ કઈ કઈ
તેનુજ ગાણું છે?
હું ને પસંદ નો સગપણ,
ઘડપણ સુધી સાથે ચાલતું ઍક નાણુ
ભલભલા ને ગબડાવે,
જો ના જાણે, હું કોણ?

આમ પડદાની પાછળ,
પણ ચાલે બધે આગળ.
હું કે હું ની પસંદ?

સાદગી પણ હોય!
દેખાવો પણ હોય!
પણ મળવાનું શું
આ પસંદના ફેરામાં?
જોતો નથી વૈભવ બજારોનો,
પસંદના નામે તો છલકાવે છે.
લાભ-હાની ની ક્યા ક્યા ભરમાવે તે
ઍક નહી અનેક હું ને હું ની પસંદના ઘેરામા
ઢેર ઢેર ઠરતા હું ને જોયા છે.
તરતા હું થોડા રહ્યા,
જે જાણી લે ખરો હું ને હું ની પસંદ શુન્ય.