કે ભઈ, રાખજે સમતા

તા તા થૈયા
ઉપ્પર નીચે ચઢતો
સ્વર જોને ક્યાં અડતો
જો ક્યાં રહે છે મમતા
કે ભઈ, રાખજે સમતા

સુર બેસૂર થાય કે મધુર ગાયે
તાલ બેતાલ હોયે કે લયબદ્ધ ગાયે
ગમા અણગમા, મનને સમજાવતા
કે ભઈ, રાખજે સમતા!

સ્થિરતા છે, સ્થગિતતા નથી,
ગતિ રાખજે પ્રકાશ તરફ, ને
પ્રગતિની પ્રણાલી
મમ્મત નહિ, ગમ્મત થોડી સહી
મનને સમજાવતા, 
કે ભઈ, રાખજે સમતા!

જે સામો છે, સ્વને મળ્યું છે
મારું મારુ છોડી, થોડું સામાનું પણ જોજે
જીવન સંગીત પર કરતા તા તા થૈયા
કે ભઈ, રાખજે સમતા

- વૈભવ
૩૦-૦૩-૨૦૧૯